Кампанія Purism выпусціла відэадэманстрацыю свайго смартфона Librem 5 - першага сучаснага і цалкам адкрытага (жалеза і софт) смартфона на Linux, накіраванага на прыватнасць. У смартфоне ёсць комплекс апаратных і праграмных сродкаў, якія забараняюць сачэнне за карыстальнікам і тэлеметрыю. Напрыклад, для адключэння камеры, мікрафона, Bluetooth/WiFi у смартфоне ёсць тры асобных фізічных выключальніка. У якасці аперацыйнай сістэмы выкарыстоўваецца бласлаўлёная самім Столманам PureOS, заснаваная на Debian. PureOS – гэта цалкам вольны дыстрыбутыў, у т.л. і драйвера для смартфона. У якасці графічнай абалонкі выкарыстоўваецца Gnome, але пазней павінен з'явіцца варыянт на Plasma Mobile.
Першая партыя гатова для папярэдняга заказу па кошце $699.
Крыніца: linux.org.ru