ПК-версія Stardew Valley атрымала абнаўленне 1.4 – яно змяшчае сотні змен

Стваральнік Stardew Valley Эрык Барон (Eric Barone), таксама вядомы пад псеўданімам ConcernedApe, паведаміў аб выхадзе доўгачаканага абнаўлення 1.4 - патч ужо даступны на ПК (Steam, GOG).

Поўны спіс змен, якія прыйшлі разам з абнаўленнем, даступны ў блогу Барона і налічвае больш за 500 выпраўленняў і дабавак. Як папярэджвае сам аўтар, тэкст можа змяшчаць спойлеры.

Апроч ужо апублікаваных новаўвядзенняў, у Stardew Valley зараз з'явілася карта пад назвай «Чатыры кута», больш за 60 прадметаў і дзесяткі дадатковых опцый кастамізацыі (24 прычоскі, 181 кашуля, 35 капелюшоў, 14 штаноў, 2 пары чаравік).

Патч таксама дадае ў гульню 14 новых музычных кампазіцый і некалькі карысных функцый, як, напрыклад, магчымасць складаваць вялікія прадметы накшталт бочак або весці ўлік пераваг іншых фермераў.

Што да рэлізу 1.4 на кансолях і мабільных прыладах, то, па словах Барона, чакаць доўга не давядзецца (раней гаварылася аб двухтыднёвым тэрміне). Распрацоўнік паабяцаў падзяліцца падрабязнасцямі як мага хутчэй.

Stardew Valley выйшла на ПК у лютым 2016 года, а на працягу трох наступных гадоў сімулятар вясковага жыцця дабраўся і да іншых платформ: PS4, Xbox One, Switch, PS Vita, iOS і Android.

Крыніца: 3dnews.ru