Як мы паведамлялі раней, кітайская кампанія Xiaomi праектуе смартфон падвойнага складання, які трансфармуецца ў невялікі планшэт. Зараз стала вядома, што над падобнай прыладай разважае паўднёвакарэйскі гігант Samsung.
Інфармацыя аб новым дызайне гнуткага апарата Samsung з'явілася на сайце Сусветнай арганізацыі інтэлектуальнай уласнасці (World Intellectual Property Organization, WIPO). Рэсурс LetsGoDigital ужо апублікаваў рэндэры гаджэта, створаныя на аснове патэнтнай дакументацыі.
Як можна бачыць на выявах, апарат Samsung складаецца такім чынам, што дзве бакавыя секцыі гнуткага дысплея апыняюцца ў тыльнай частцы прылады. У выніку экран як бы апаясвае смартфон.
Расчыніўшы прыладу, карыстач атрымае ў сваё распараджэнне планшэт з вельмі буйнай сэнсарнай панэллю. Відавочна, могуць быць рэалізаваны рэжымы, пры якіх уладальнік зможа раскрываць толькі адну з бакавых секцый - левую ці правую.
Цікаўнай асаблівасцю распрацоўкі Samsung з'яўляецца рабро калянасці, размешчанае ў цэнтральнай частцы гаджэта. Яно заклікана падтрымліваць гнуткі экран, калі смартфон выкарыстоўваецца ў расчыненым стане, скажам, на стале.
Нажаль, інфармацыі аб тым, калі прапанаваны дызайн можа ўвасобіцца ў камерцыйнай прыладзе Samsung, пакуль няма.
Крыніца: 3dnews.ru