Праект унікальнага смартфона Energizer Power Max P18K Pop змог сабраць на краўдфандынгавай пляцоўцы IndieGoGo толькі каля 1% ад заяўленай распрацоўшчыкам сумы.
Нагадаем, што прататып апарата Energizer Power Max P18K Pop на лютаўскай выставе MWC 2019. Галоўнай "фішкай" прылады стала батарэя рэкорднай ёмістасці – 18 000 ма·ч. Тады гаварылася, што час аўтаномнай працы дасягае 50 сутак у рэжыме чакання.
Адваротным бокам наяўнасці гэтак магутнага акумулятара стала вялікая таўшчыня корпуса - амаль 20 мм. Вонкава смартфон у літаральным сэнсе быў падобным на цэглу.
Сабраць грошы на арганізацыю вытворчасці апарата кампанія Avenir Telecom, занятая выпускам смартфонаў пад брэндам Energizer, вырашыла з дапамогай IndieGoGo. Пры гэтым была заяўлена сума $1,2 млн.
На справе ж удалося прыцягнуць толькі каля $15 тыс., так што праект у яго пачатковым выглядзе аказаўся правальным.
Зрэшты, Avenir Telecom не маркоціцца: кампанія абяцае працягнуць працу над паляпшэннем дызайну смартфона і памяншэннем яго таўшчыні. Магчыма, на выставе MWC 2020 будзе прадстаўлены значна больш прывабны са спажывецкага пункта гледжання варыянт прылады.
Крыніца: 3dnews.ru