Эскізны праект расійскай ракеты звышцяжкага класа пакуль поўнасцю не гатовы. Пра гэта паведамляе ТАСС, спасылаючыся на заявы генеральнага дырэктара дзяржаўнай карпарацыі Раскосмас Дзмітрыя Рагозіна.
Аб неабходнасці распрацоўкі ракетнага комплексу звышцяжкага класа яшчэ ў 2018 годзе казаў прэзідэнт Расіі Уладзімір Пуцін на сустрэчы з кіраўніцтвам Раскосмасу. Пачатак лётных выпрабаванняў гэтага носьбіта намечаны на 2028 год.
Новая ракета, як чакаецца, будзе збірацца па прынцыпе тэхналагічнага канструктара: кожная частка павінна стаць самастойным вырабам.
Комплекс дапаможа ў ажыццяўленні складаных праграм па засваенні аб'ектаў Сонечнай сістэмы. Гэта могуць быць місіі да Месяца і Марса.
Праўда, пакуль эскізны праект расійскай ракеты звышцяжкага класа патрабуе дапрацоўкі. "Ёсць некалькі дзясяткаў заўваг, але яны маюць працоўны характар і будуць дапрацаваны ў працэсе стварэння тэхнічнага аблічча карабля і ракеты", – паведаміў спадар Рагозін.
Для запуску ракеты будзе разгорнуты новы стартавы комплекс на касмадроме Усходні. Першыя мэтавыя запускі будуць арганізаваны пасля 2030 года.
Крыніца: 3dnews.ru