У Інтэрнэце з'явіліся выявы, якія даюць уяўленне аб кампаноўцы франтальнай панэлі цалкам электрычнага аўтамабіля Volkswagen ID.3, які ўжо для папярэдняй замовы.
Нагадаем, што ID.3 – гэта кампактны хэтчбэк, пастаўкі якога плануецца пачаць у сярэдзіне наступнага года. Пасля выхаду на рынак машына будзе даступная ў мадыфікацыях з блокам акумулятараў ёмістасцю 45 квт·г, 58 квт·г і 77 квт·г. Запас ходу на адной падзарадцы дасягне адпаведна 330 км, 420 км і 550 км.
Як можна бачыць на прадстаўленых выявах, у цэнтральнай частцы франтальнай кансолі размяшчаецца даволі буйны сэнсарны экран інфармацыйна-забаўляльнай сістэмы. Праз яго кіроўца зможа атрымліваць навігацыйныя дадзеныя, узаемадзейнічаць з кліматычнай усталёўкай, медыяплэерам і інш.
Непасрэдна за рулявым колам размешчаны яшчэ адзін дысплей. У правай частцы гэтага модуля ўсталяваны спецыяльны селектар для выбару рэжымаў працы трансмісіі. Прадугледжаны таксама кнопкі кіравання на рулявым коле.
Электракар зможа разумець галасавыя каманды. Некаторыя камплектацыі прадугледжваюць наяўнасць праекцыйнага дысплея дапоўненай рэальнасці.
Кошт Volkswagen ID.3 у пачатковай камплектацыі складзе каля 30 000 эўра.
Крыніца: 3dnews.ru