Ужо 21 ліпеня адбудзецца прэзентацыя доўгачаканага смартфона OnePlus Nord пад кіраваннем OxygenOS на аснове Android 10. Тым часам у Інтэрнэце з'явілася інфармацыя аб канфігурацыі камер гэтага апарата.
"Пасля месяцаў планавання, абмеркаванні ўнутры кампаніі і тэсціравання мы вырашылі, што Nord павінен атрымаць шэсць камер – чатыры ззаду і дзве спераду", – гаворыцца ў запісах афіцыйнага форуму OnePlus.
У склад квадраблока ўвойдзе 48-мегапіксэльны асноўны сэнсар Sony IMX586. Яго дапоўняць 8-мегапіксэльны модуль з ультрашырокавугольнай оптыкай, 5-мегапіксэльны датчык глыбіні і макрамодуль. Гаворыцца аб наяўнасці сістэмы аптычнай стабілізацыі выявы.
Падвойная франтальная камера ўбярэ ў сябе 32-мегапіксэльны датчык і 8-мегапіксэльны модуль з ультрашырокавугольнай оптыкай (105 градусаў). Палепшыць якасць здымкаў дапамогуць алгарытмы на аснове штучнага інтэлекту.
На сёння вядома, што смартфон OnePlus Nord атрымае працэсар Snapdragon 765G і акумулятарную батарэю на 4115 ма·ч. Навінка будзе прапаноўвацца ў некалькіх варыянтах каляровага выканання, у тым ліку ў шэрым і блакітным. Прэзентацыя гаджэта пройдзе з выкарыстаннем тэхналогій дапоўненай рэальнасці.
Крыніца:
Крыніца: 3dnews.ru