Афіцыйнае выйсце браўзэра Firefox 69 вызначанае на сёння, 3 верасня, аднак распрацоўнікі яшчэ ўчора загрузілі зборкі на серверы. Даступныя рэлізныя версіі для Linux, macOS і Windows, таксама ёсць зыходныя коды.
Firefox 69.0 у цяперашні час ужо можна атрымаць праз абнаўленні OTA ва ўсталяваным браўзэры. Таксама можна сеткавы ці поўны ўсталёўшчык на афіцыйным FTP. І хоць буйных новаўвядзенняў у гэтай версіі няма, усё ж Firefox 69 прыносіць некаторыя паляпшэнні для карыстачоў Windows і Mac.
У апошнім выпадку гаворка ідзе аб павелічэнні часу аўтаномнай працы на кампутарах Mac у канфігурацыі з двума графічнымі працэсарамі. У гэтым выпадку Firefox зараз выбірае больш энергаэфектыўны GPU, што дазваляе зменшыць спажыванне энергіі пры прайграванні WebGL-кантэнту. Таксама для карыстачоў MacOS браўзэр зараз адлюстроўвае ход загрузкі ў Finder.
У Windows змены выявіліся ў падвышэнні прадукцыйнасці. Цяпер браўзэр дазваляе карыстачам правільна ўсталёўваць узроўні прыярытэту для таго ці іншага кантэнту. А яшчэ дададзена падтрымка пашырэння HmacSecret для вэб-аўтэнтыфікацыі ў сістэмах Windows 10 May 2019 Update або пазнейшых версіях. Гэтае пашырэнне дазваляе выкарыстоўваць Windows Hello.
Нарэшце, 69 уносіць змены ў працу плагіна Adobe Flash Player. З гэтага часу яго запуск давядзецца дазваляць кожны раз пры выяўленні Flash-змесціва на сайце. Такім чынам, кампанія Mozilla працягвае шлях да поўнай адмовы ад састарэлай і "дзіравай" вэб-тэхналогіі.
Дарэчы, некалькі дзён таму распрацоўшчыкі буйное абнаўленне паштовай праграмы Thunderbird пад нумарам 68 пад усе падтрымліваемыя платформы.
Крыніца: 3dnews.ru