Студыя Remedy Entertainment валодае правамі на Alan Wake, але гэта не значыць, што гульня атрымае працяг у бліжэйшыя гады. Аднак партал VG247 высветліў, што распрацоўшчыкі ўжо спрабавалі стварыць другую частку, аднак нічога не выйшла.
PR-дырэктар Томас Пуха (Thomas Puha) распавёў парталу VG247, што Alan Wake 2 некалькі гадоў таму была ў распрацоўцы. «Мы працавалі над Alan Wake 2 некалькі гадоў таму, і яна проста не атрымалася, так што нічога няма - зараз у нас іншыя планы на бліжэйшыя пару гадоў. Мы валодаем правамі на Alan Wake, але ўсё, як заўсёды, не так проста», - сказаў ён.
Асноўнымі праблемамі Пуха называе адсутнасць часу, грошай і рэсурсаў для распрацоўкі Alan Wake 2. Цяпер студыя занята звышнатуральным шутэрам Control, які ствараецца з аглядкай на магчымасць выпусціць сіквел. Акрамя таго, Remedy Entertainment распрацоўвае яшчэ некалькі праектаў, але ўсё, што пра іх вядома – яны прызначаны для кансоляў наступнага пакалення.
Alan Wake выйшла ў 2010 годзе на Xbox 360. Гэта сюррэалістычная гісторыя ў стылі Стывена Кінга (Stephen King) і Дэвіда Лінча (David Lynch) пра пісьменніка Алана Уэйка, які трапляе ў пастку Цемры. Microsoft выступіла выдаўцом гульні, але Remedy Entertainment захавала правы на інтэлектуальную ўласнасць. У 2012 годзе студыя выпусціла Alan Wake's American Nightmare - працяг першай часткі з больш дынамічным геймплэем. У ёй прайшло два гады пасля фіналу Alan Wake, а сам Алан спрабуе выбрацца з Прыстанку Цемры.
Найноўшы праект студыі, Control, паступіць у продаж 27 жніўня на ПК (Epic Games Store), Xbox One і PlayStation 4.
Крыніца: 3dnews.ru