Генеральны дырэктар дзяржаўнай карпарацыі Раскосмас Дзмітрый Рагозін расказаў аб распрацоўцы перспектыўных ракет-носьбітаў розных класаў.
Гаворка, у прыватнасці, ідзе аб праекце "Саюз-5" па стварэнні двухступеністай ракеты сярэдняга класа. Чакаецца, што лётныя выпрабаванні гэтага носьбіта пачнуцца арыенціровачна ў 2022 годзе.
Да канца бягучага года, паводле слоў спадара Рагозіна, плануецца правесці новыя лётныя выпрабаванні цяжкай "Ангары", а з 2023 года пачаць серыйную вытворчасць гэтай ракеты на омскім ВА "Палёт".
Нарэшце, кіраўнік Раскосмасу паведаміў, што ўжо пачалося разгортванне прац па стварэнні ракеты звышцяжкага класа. Да канца гэтага года эскізны праект носьбіта будзе прадстаўлены ва Урад Расійскай Федэрацыі.
Ракетны комплекс звышцяжкага класа ствараецца з прыцэлам на складаныя касмічныя місіі па засваенні Месяца і Марса. Першы запуск гэтага носьбіта, хутчэй за ўсё, адбудзецца не раней за 2028 год.
«Усе нашы новыя ракеты, уся наша ракетная будучыня заснавана на рухавіках, якія ствараюцца ў НВА «Энергамаш». Гэта рухавікі, безумоўна, надзейныя, але трэба рухацца далей. Гэта тое, над чым мы ўжо пачалі працаваць — над новым шматразовым пілатуемым караблём, над новымі ракетамі, а ўся наземная касмічная інфраструктура павінна быць на нашай роднай расейскай зямлі — на касмадроме Усходні», — падкрэсліў Зміцер Рагозін.
Крыніца: 3dnews.ru