Ракета-носьбіт «Саюз-СТ-Б» з разгонным блокам «Фрэгат-МТ» паспяхова вывела ў космас чатыры еўрапейскія тэлекамунікацыйныя спадарожнікі О3b.
Старт быў ажыццёўлены з Гвіянскага касмічнага цэнтра ў рамках кантракта "Галаўкосмасу" з кампаніяй Arianespace. Касмічныя апараты зроблены кампаніяй Thales Alenia Space па замове люксембургскага аператара SES.
Паведамляецца, што дзве пары спадарожнікаў штатна аддзяліліся ад разгоннага блока і выйшлі на разліковыя арбіты. Апараты ўжо ўзяты на кіраванне заказчыкам.
Нагадаем, што спадарожнікі О3b прызначаны для стварэння новай еўрапейскай сярэднеарбітальнай касмічнай сістэмы сувязі. Апараты закліканы забяспечыць сувяззю і высакахуткасным доступам у Інтэрнэт жыхароў аддаленых рэгіёнаў, якія развіваюцца.
Цяпер колькасць гэтых спадарожнікаў на арбіце складае два дзясяткі. Яны сілкуюцца ад сонечных батарэй на арсенідзе галію і ад іённа-літыевых акумулятараў.
Чакаецца, што дзякуючы сістэме O3b сучасныя паслугі сувязі, у прыватнасці выхад у Сетку на высокай хуткасці, стануць даступныя яшчэ 3 млрд чалавек.
Дадамо, што цяперашні пуск стаў 75-м для разгоннага блока "Фрэгат" і 22-м з Гвіянскага касмічнага цэнтра.
Крыніца: 3dnews.ru