Расійскія даследчыкі распрацуюць новую аранжарэю для Міжнароднай касмічнай станцыі (МКС) замест страчанай у 2016 годзе. Пра гэта паведамляе сеткавае выданне "РІА Навіны", спасылаючыся на заявы дырэктара Інстытута медыка-біялагічных праблем РАН Алега Арлова.
Расейскія касманаўты раней правялі шэраг эксперыментаў на борце МКС з ужываннем аранжарэйнай прылады "Лада". У прыватнасці, упершыню ў свеце было даказана, што расліны могуць доўгі час, супастаўны з працягласцю марсіянскай экспедыцыі, вырошчвацца ва ўмовах касмічнага палёту без страты рэпрадуктыўных функцый і пры гэтым фарміраваць жыццяздольнае насенне.
У 2016 годзе на МКС павінна была быць дастаўлена аранжарэя новага пакалення "Лада-2". Прыбор быў адпраўлены на борце грузавога карабля "Прагрэс МС-04", які, нажаль, пацярпеў катастрофу. Пасля гэтага з'явілася інфармацыя, што стварыць аналаг "Лада-2", верагодна, не атрымаецца.
Зрэшты, ставіць кропку ў праекце новай аранжарэйнай прылады для МКС рана. «Яна [аранжарэя «Лада-2»] сапраўды не даляцела. Мы вырашылі не аднаўляць яе ў тым выглядзе, у якім яна была, таму што тэрмін выраба займае час, а значыць, мы атрымаем састарэлы навуковы прыбор. Будзем ствараць аранжарэю наступнага пакалення, больш сучасную», - заявіў спадар Арлоў.
Дадамо таксама, што ў Расіі ствараецца вітамінавая аранжарэя "Вітацыкл-Т". Мяркуецца, што гэтая ўстаноўка дазволіць вырошчваць у касмічных умовах салату і моркву.
Крыніца: 3dnews.ru