Шведскі YouTube-відэабалогер Фелікс PewDiePie Чэльберг (Felix Kjellberg) абвясціў аб намерах узяць паўзу і часова перастаць выпускаць відэаролікі. Аб гэтым піша NBC News. Чэльберг заявіў, што стаміўся, але не назваў канкрэтных тэрмінаў вяртання на платформу.
«Не ведаю, ці бачна па мне, але я адчуваю сябе вельмі стомленым. Проста хацеў, каб вы ведалі - у пачатку наступнага года мяне не будзе нейкі час. Я растлумачу прычыны пазней, але хацеў папярэдзіць пра гэта загадзя», - заявіў Чэльберг.
Канал Фелікса PewDiePie Чэльберга з'яўляецца самым папулярным на YouTube сярод адзіночных блогераў. У яго больш за 102 мільёны падпісчыкаў, а агульная колькасць праглядаў перавысіла 24 мільярды.
Некалькімі днямі раней PewDiePie распавёў, што Apple адмовілася выпускаць яго гульню Poopdie у App Store. Праект выйшаў на Android 10 снежня і павінен быў з'явіцца на iOS 12 чысла. Гульня адпраўляе карыстальнікаў у падзямелля для бітвы з рознымі монстрамі. Адметнай рысай галоўнага героя з'яўляецца тое, што ён пакутуе ад газаў.
Крыніца: 3dnews.ru