Акрамя "Цёмнае сэрца Скайрыма" (Dark Heart of Skyrim) для The Elder Scrolls Online выдавецтва Bethesda Softworks і студыя ZeniMax Online таксама паведамілі, што гульня ў гэтым годзе будзе афіцыйна лакалізавана на рускую мову.
Рэжысёр Мэт Файрор (Matt Firor) звярнуўся да рускамоўных гульцоў у асобным відэа, паведаміўшы, што ўжо хутка версія MMORPG для Windows і macOS стане даступная на рускай мове. Цяпер распрацоўшчыкі працуюць над тым, каб усе тэксты, дыялогі і субтытры ў гульні былі перакладзены. Нажаль, аб з'яўленні паўнавартаснай рускай агучкі гаворкі не ідзе (прынамсі, пакуль). Але будуць дададзены некалькі шрыфтоў з падтрымкай кірыліцы, што палепшыць візуальную частку ў гульні.
Асобных рускамоўных сервераў таксама не будзе: можна будзе гуляць на еўрапейскім і амерыканскім мегасерверах. Пры ўваходзе ў TES Online усім новым гульцам будзе прапанаваны сэрвер EU, але пры жаданні будзе магчымасць змяніць яго на NA. Усе персанажы застануцца на сваіх абраных серверах.
Таксама расейскія гульцы атрымаюць паўнавартасную падтрымку на расейскай мове. У TES Online з'явіцца і асобны ўкладак чата для рускай мовы. Акрамя таго, раней выдавецтва ўжо перагледзела кошты самой гульні для Расіі, а на дадзены момант разглядае розныя магчымасці адаптацыі і іншых пакупак для мясцовага рынку.
Дата запуску абнаўлення з рускай лакалізацыяй пакуль не паведамляецца, але пасля яе ўсе будучыя дадаткі будуць адразу выходзіць з падтрымкай рускай мовы. Акрамя таго, пакуль кансольныя версіі лакалізаваны не будуць - у нашых краях яны папросту не карыстаюцца асаблівай папулярнасцю.
Крыніца: 3dnews.ru