Па паведамленнях сеткавых крыніц, смартфон iPhone 12 Pro можа быць абсталяваны дысплеем ProMotion з частатой абнаўлення 120 Гц. Гэта вынікае з відэа, якое было нядаўна апублікавана на папулярным YouTube-канале . Мяркуецца таксама, што старэйшыя версіі новых iPhone атрымаюць палепшаную сістэму Face ID і падтрымку трохразовага аптычнага зуму.
Крыніца кажа аб тым, што смартфон зможа самастойна перамыкацца паміж рэжымамі з частатой 60 і 120 Гц, дзякуючы чаму атрымаецца падвысіць аўтаномнасць прылады. Прынцып працы дысплея падобны да сістэмы ProMotion, якая ўжо некалькі гадоў выкарыстоўваецца ў iPad Pro.
Для забеспячэння дастатковага ўзроўню аўтаномнасці прылады са 120-герцовым дысплеем Apple спатрэбіцца павялічыць ёмістасць акумулятарнай батарэі. Паводле наяўных дадзеных, iPhone 12 Pro Max атрымае 6,7-цалевы дысплей і акумулятар на 4400 ма·ч. Apple прарабіла значную працу па павелічэнні энергаэфектыўнасці леташніх iPhone 11 і IPhone 11 Pro. Распрацоўнікі пастараюцца захаваць належны ўзровень аўтаномнасці, дадаючы новаўвядзенні, такія як падтрымка сетак сувязі пятага пакалення (5G) і дысплей з частатой 120 Гц.
У паведамленні адзначаецца, што новы iPhone атрымае палепшаную сістэму Face ID, якая дазваляе разблакаваць прыладу, прасканаваўшы твар карыстальніка. Мяркуецца, што абноўленая Face ID атрымае шырэйшы кут агляду, дзякуючы чаму карыстач зможа разблакаваць смартфон, трымаючы яго пад кутом.
Apple таксама працуе над паляпшэннем прадукцыйнасці асноўнай камеры новых iPhone. Распрацоўнікі ствараюць алгарытмы, якія дазволяць палепшыць якасць здымкаў пры дрэнным асвятленні, аптымізуюць працу аўтафокусу і сістэмы стабілізацыі. Па меркаванні інсайдэраў, старэйшыя мадэлі iPhone 12 будуць падтрымліваць трохразовы аптычны зум замест двухразовага, які прысутнічае ў смартфонах Apple апошнія некалькі гадоў.
Крыніца: 3dnews.ru