Кітайская кампанія Huawei працягвае пашыраць асартымент тавараў. На гэты раз быў анансаваны даступны смартфон Y5 (2019), які ў хуткім часе паступіць у продаж.
Апарат заключаны ў корпус, задняя паверхня якога аздоблена штучнай скурай. У наяўнасці 5,71-цалевы дысплей, які займае 84,6% пярэдняй паверхні прылады. У верхняй частцы дысплея маецца невялікі выраз, у якім размешчана 5-мегапіксэльная франтальная камера. Асноўная камера гаджэта знаходзіцца на тыльным боку, яна выканана на аснове сэнсара на 13 Мп з дыяфрагмай f/1,8 і дапаўняецца святлодыёдным выбліскам.
Апаратная аснова пабудавана вакол чыпа MediaTek Helio A22 MT6761 з чатырма вылічальнымі ядрамі і працоўнай частатой 2,0 Ггц. Канфігурацыя дапаўняецца 2 Гбайт аператыўнай памяці і ўнутраным назапашвальнікам на 32 Гбайт. Падтрымліваецца ўстаноўка карты памяці фармату MicroSD да 512 Гбайт, а таксама дзвюх SIM-карт.
Прылада можа функцыянаваць у сетках сувязі чацвёртага пакалення (4G). За аўтаномную працу адказвае акумулятарная батарэя ёмістасцю 3020 ма·ч. Для абароны карыстацкай інфармацыі прымяняецца функцыя распазнання асобы.
Навінка функцыянуе пад кіраваннем мабільнай АС Android Pie з фірмовым інтэрфейсам EMUI 9.0. На прылаўкі крам Huawei Y5 (2019) патрапіць у некалькіх варыянтах каляровага выканання корпуса. Кошт смартфона і дакладная дата пачатку продажаў будуць абвешчаныя пазней.
Крыніца: 3dnews.ru