11 красавіка NASA паведаміла, што заключыла кантракт з SpaceX на выкананне выпрабавальнай місіі DART (Double Asteroid Redirection Test) па змене арбіты астэроідаў, якая будзе выканана пры дапамозе ракеты цяжкага класа Falcon 9 у чэрвені 2021 года з авіябазы Вандэнберг у Каліфорніі. Сума кантракта для SpaceX складзе 69 мільёнаў долараў. У кошт уваходзяць запуск і ўсе спадарожныя паслугі.
DART – гэта праект, распрацаваны ў Лабараторыі прыкладной фізікі Універсітэта Джона Хопкінса ў рамках праграмы NASA па планетарнай абароне. У эксперыментальнай місіі касмічны апарат будзе выкарыстоўваць электрычны ракетны рухавік для палёту да астэроіда Дзідзім (Didymos). Затым DART сутыкнецца з маленькім спадарожнікам Дзідзіма – Дзідзімун (Didymoon) – пры хуткасці каля шасці кіламетраў у секунду.
Астраномы плануюць вывучыць змяненне арбіты маленькага месяца ў выніку ўдару. Гэта дапаможа навукоўцам ацаніць эфектыўнасць дадзенага падыходу, прапанаванага ў якасці аднаго са спосабаў адхілення астэроідаў якія пагражаюць Зямлі.
"SpaceX ганарыцца тым, што працягвае паспяховае супрацоўніцтва з NASA для выканання гэтай важнай міжпланетнай місіі", – заявіў прэзідэнт SpaceX Гвін Шотвел ў заяве кампаніі. "Гэты кантракт падкрэслівае ўпэўненасць NASA у здольнасці Falcon 9 выконваць крытычна важныя навуковыя задачы, прапаноўваючы пры гэтым найлепшы кошт запуску ў галіны".
Крыніца: 3dnews.ru