Кампанія DotEmu звузіла акно выпуску Streets of Rage 4 да першай паловы 2020 года. Прынамсі, на Nintendo Switch. Аб гэтым выдавец паведаміў у апошнім выпуску Nintendo Indie World.
Streets of Rage 4 – гэта працяг класічнай серыі гульняў, якая пачалася на SEGA Mega Drive. DotEmu, студыі Lizardcube і Guard Crush Games імкнуцца захаваць дух арыгінальных праектаў, але разам з тым стварыць сучасную гульню ў візуальным і геймплэйным адносінах. У новым трэйлеры выдавец прадставіў Адама Хантэра. Паводле апісання, ён устараніў лідэра Сіндыката голымі рукамі 28 гадоў таму і не вяртаўся да сённяшняга дня.
Акрамя таго, у Streets of Rage 4 будзе саўндтрэк ад Юдзо Касіра (Yuzo Koshiro) і Мотахіра Кавасімы (Motohiro Kawashima). DotEmu таксама прыцягнула ў каманду кампазітараў Street Fighter II, Jet Set Radio і Ninja Gaiden Ёка Сімумуру (Yoko Shimomura), Хідэкі Ханануму (Hideki Hananuma) і Дзейдзі Ямагісі (Jeiji Yamagashi) адпаведна.
Streets of Rage 4 таксама выйдзе на ПК, Xbox One і PlayStation 4 у наступным годзе.
Крыніца: 3dnews.ru