Гульня Mario & Sonic at the Olympic Games Tokyo 2020 (у рускай лакалізацыі – «Марыё і Сонік на Алімпійскіх гульнях 2020 у Токіо») выйдзе ўжо 8 лістапада эксклюзіўна на Nintendo Switch. Два найбольш вядомых японскіх персанажа са свету відэагульняў разам са сваімі ворагамі і паплечнікамі будуць спаборнічаць у самых розных спартыўных дысцыплінах. З гэтай нагоды прадстаўлены свежы трэйлер:
«Скачыце на ховерборд, уладкоўвайце гонкі з сябрамі і імчыцеся да перамогі ў новых фантастычных спаборніцтвах», - паведамляе нам апісанне. У гульні прадугледжана больш за тры дзясяткі дысцыплін. Сярод новых згаданыя: «Спартыўнае скалалажанне», «Каратэ — кумітэ», «Серфінг — кароткая дошка», і «Скейтбордынг — парк» — усе гэтыя віды спорту былі дададзены ў праграму Алімпіяды-2020 яшчэ тры гады таму разам з бейсболам, але яго у гульні, відавочна, не будзе.
Апроч чатырох новых відаў спорту даступныя і дысцыпліны з папярэдніх Алімпійскіх гульняў: рэгбі-7, бокс, фехтаванне, спартыўная гімнастыка, плаванне, бег на 110 метраў з бар'ерамі, футбол, стральба з лука, спаборніцтвы па конным спорце і многае іншае. Будзе падтрымлівацца як кіраванне рухамі пры дапамозе кантролераў Joy-Con, так і класічнае кнопачнае кіраванне. Акрамя лакальных рэжымаў, будуць даступныя і анлайн-спаборніцтвы.
Таксама ў сюжэтным рэжыме можна наведаць Алімпійскія гульні ў Токіа 1964 - Марыё, Соніка, Боўзэра і доктара Эггмана зацягнула ў чароўную гульнявую сістэму, і яны апынуліся ў настальгічным двухмерным свеце папярэдніх Алімпійскіх гульняў у Токіо. Тут можна даследаваць сталіцу Японіі 60-х гадоў, удзельнічаць у алімпійскіх спаборніцтвах накшталт стомятроўкі або скачкоў у даўжыню ў старым стылі, і знайсці дарогу дадому. А ў Токіа 2020 года Луіджы тым часам збірае каманду сяброў-спартсменаў, каб выратаваць Марыё, Соніка і астатніх.
Акрамя Соніка і Марыё, у спісе персанажаў ёсць Луіджы, Наклз, Піч, Эмі, доктар Эггман, Йошы, Тэйлз і іншыя - пра астатніх абяцаюць распавесці пазней. У кожнага персанажа свая спецыялізацыя. Аформіць папярэднюю замову Mario & Sonic at the Olympic Games Tokyo 2020 ужо можна - кошт у Nintendo eShop .
Дарэчы, вясной 2020 года таксама на Android і iOS.
Крыніца: 3dnews.ru