Еўрапейскі Цэнтр Ядзерных Даследаванняў збіраецца адмовіцца ад усіх прапрыетарных прадуктаў у сваёй працы, і перш за ўсё ад прадуктаў кампаніі Мікрасофт.
Папярэднія гады ЦЕРН актыўна выкарыстоўваў розныя камерцыйныя прадукты з закрытым зыходным кодам, таму што гэта дазваляла лёгка знаходзіць спецыялістаў з індустрыі. ЦЕРН супрацоўнічае з вялікай колькасцю кампаній і інстытутаў, і яму было важна аблегчыць працу людзей з розных абласцей. Статус некамерцыйнай акадэмічнай арганізацыі дазваляў атрымліваць праграмныя прадукты па выгадных коштах, і іх выкарыстанне было апраўдана.
Але ў сакавіку 2019 года Мікрасофт вырашыў пазбавіць ЦЕРН статусу «акадэмічнай арганізацыі», і прапанаваў прадаставіць свае прадукты на стандартнай камерцыйнай аснове, што падвышала агульны кошт ліцэнзій больш чым у 10 разоў.
ЦЕРН быў гатовы да такога развіцця падзей, і ўжо на працягу года развіваў праект "MAlt": "The Microsoft Alternatives project". Нягледзячы на назву, Мікрасофт – далёка не адзіная кампанія ад прадуктаў якой плануецца пазбавіцца. Але першараднай задачай ставіцца адмова ад паштовага сэрвісу і скайпа. Першымі на новыя пілотныя праекты пяройдуць аддзелы ІТ і асобныя добраахвотнікі. Плануецца, што для поўнага пераходу на вольнае ПЗ спатрэбіцца некалькі гадоў.
Крыніца: linux.org.ru