Расія і Еўрапейская арганізацыя па ядзерных даследаваннях (ЦЕРН) заключылі новае пагадненне аб навукова-тэхнічным супрацоўніцтве.
Дагавор, які стаў пашыранай версіяй пагаднення ад 1993 года, прадугледжвае ўдзел РФ у эксперыментах ЦЕРН, а таксама вызначае галіну інтарэсаў Еўрапейскай арганізацыі па ядзерных даследаваннях у расійскіх праектах.
У прыватнасці, як паведамляецца, спецыялісты ЦЕРН дапамогуць у стварэнні калайдэра "Супер С-тау фабрыка" (Новасібірск) Інстытута ядзернай фізікі ім. Г.І. Будкера СА РАН (ІЯФ СА РАН). Акрамя таго, еўрапейскія навукоўцы прымуць удзел у праектах даследчага нейтроннага рэактара Пік (Гатчына) і паскаральнага комплексу NICA (Дубна).
У сваю чаргу, расейскія эксперты дапамогуць у рэалізацыі еўрапейскіх праектаў. «ІЯФ СА РАН працягне прымаць актыўны ўдзел у працах па мадэрнізацыі Вялікага адроннага калайдэра ва ўсталёўку высокай свяцільнасці і ключавых эксперыментах ATLAS, CMS, LHCb, ALICE. Спецыялісты інстытута распрацуюць і вырабяць сістэмы каліматараў і сістэмы цвёрдацельных узмацняльнікаў высокачашчыннай магутнасці, неабходныя для Вялікага адроннага калайдэра высокай свяцільнасці», - гаворыцца ў паведамленні.
Плюс да гэтага расейскі бок возьме на сябе фінансаванне часткі прац, якія будуць выконвацца для Еўрапейскай арганізацыі па ядзерных даследаваннях.
Крыніца: 3dnews.ru