Uber: новыя інвестыцыі і падрыхтоўка да IPO

Падобна, што справы ў Uber ідуць як ніколі добра. Учора амерыканская кампанія ўсталявала кошт за свае акцыі ў дыяпазоне ад 44 да 50 даляраў ЗША за каштоўную паперу, паводле абноўленай інфармацыі з Камісіі па каштоўных паперах і біржам ЗША. Uber плануе прапанаваць 180 мільёнаў акцый і прыцягнуць каля 9 мільярдаў долараў падчас правядзення IPO.

Uber размесціць свае акцыі на Нью-Йоркскай фондавай біржы, выкарыстоўваючы аднайменны Біржавы сімвал (кароткі ідэнтыфікатар кампаніі на біржы) – UBER. Таргі могуць адбыцца ўжо ў пачатку гэтага траўня.

У сваёй заяве кампанія распавяла, што Uber вядзе дзейнасць у 63 краінах і больш за ў 700 гарадах на шасці кантынентах. Больш за 91 мільён чалавек карыстаюцца хаця б адной з яе паслуг, якія ўключае ў сябе: выклік таксі, дастаўку ежы, арэнду электра-ровараў і самакат. Каля 14 мільёнаў паездак кожны дзень здзяйсняюць кіроўцы Uber-таксі.

У цэлым, калі ўсё пройдзе па плане, 2019 стане дастаткова характэрным у сувязі з першасным размяшчэннем акцый цэлага шэрагу буйных тэхналагічных кампаній. Нараўне з Uber, чакаецца правядзенне IPO ад такіх кампаній у Сан-Францыска, як Airbnb, Pinterest і Slack. Галоўны канкурэнт Uber Lyft паспяхова дэбютаваў на фондавым рынку ўжо ў сакавіку гэтага года, але пазней яго пазіцыі прыкметна здалі. У пятніцу акцыі Lyft гандляваліся на ўзроўні $56, што нашмат ніжэй за іх кошт на момант IPO у $72.

Адначасова з гэтым PayPal заявіла, што інвесціруе ў Uber 500 мільёнаў долараў ЗША, у сувязі з пашырэннем партнёрскіх адносін, якія кампаніі падтрымліваюць з 2013 года. У рамках развіцця супрацоўніцтва PayPal зоймецца распрацоўкай электроннага кашалька для сервісаў Uber.

"Гэта яшчэ адна важная вяха на нашым шляху па партнёрстве з рознымі платформамі, які дапамагае развіваць глабальны гандаль шляхам злучэння вядучых сусветных гандлёвых пляцовак і плацежных сетак", – напісаў генеральны дырэктар PayPal Дэн Шульман (Dan Schulman) у сваім паведамленні на LinkedIn.

Таксама ў гэтым месяцы Uber атрымала інвестыцыі у 1 мільярд долараў ЗША ад групы кампаній Toyota Motor Corp. (Toyota), DENSO Corporation (DENSO) і SoftBank Vision Fund (SVF).

Крыніца: 3dnews.ru