Кампанія Ubisoft далучылася да фонду развіцця Blender у якасці карпаратыўнага залатога ўдзельніка. Як паведамляецца на сайце Blender, французская студыя акажа сур'ёзную фінансавую падтрымку распрацоўшчыкам. Таксама кампанія будзе выкарыстоўваць прылады Blender у падраздзяленні Ubisoft Animation Studio.
Кіраўнік Ubisoft Animation Studio П'ер Жаке (Pierrot Jacquet) адзначыў, што студыя выбрала для працы Blender з-за моцнай і адкрытай супольнасці. “Blender стаў відавочным выбарам для нас. Адкрытасць і сіла супольнасці ў спалучэнні з поглядамі фонду развіцця Blender робяць яго адным з самых крэатыўных інструментаў на рынку», - распавёў Жаке.
«Я заўсёды захапляўся Ubisoft як адным з вядучых распрацоўшчыкаў гульняў. Я з нецярпеннем чакаю магчымасці сумеснай працы. Я хачу дапамагчы ім знайсці свой шлях у якасці ўдзельніка нашых праектаў з адкрытым кодам на Blender», – пракаментаваў навіну заснавальнік і старшыня кампаніі Blender Тон Розендал (Ton Roosendaal).
Ubisoft – не першая кампанія, якая выступіла ў падтрымку Blender. Раней фонд падтрымала Epic Games, якая вылучыла $ 1,2 млн на развіццё фірмы.
Blender - гэта бясплатны 3D-рэдактар для прафесійнай працы з графікай. Першапачаткова ён распаўсюджваўся выключна праз Steam, але з 20 лістапада 2018 года яго можна скачаць і ў Microsoft Store.
Крыніца: 3dnews.ru