Каб падагнаць відэа пад розныя варыянты суадносін бакоў, давядзецца папрацаваць. Простая змена налад праекта з шырокафарматнага рэжыму на квадратны не дасць патрэбнага выніку: таму давядзецца ўручную перамяшчаць кадры, пры неабходнасці цэнтраваць іх, каб візуальныя эфекты і карцінка ў цэлым карэктна адлюстроўваліся ў новых суадносінах бакоў экрана. Такія маніпуляцыі могуць заняць некалькі гадзін.
Аднак хуткім часам Adobe Premiere Pro вырашыць гэтую праблему больш элегантна. На Міжнароднай канферэнцыі па тэлерадыёвяшчанні (IBC 2019) распрацоўшчыкі відэарэдактара прэзентавалі функцыю аўтаматычнага падганяння відэа (Auto Reframe) пад фарматы з рознымі памерамі і суадносінамі бакоў. Гэта дазволіць істотна скараціць час падрыхтоўкі відэа для розных платформ.
Калі, напрыклад, неабходна падрыхтаваць адно і тое ж відэа для YouTube (фармат 16:9) і для Instagram (квадратны фармат), гэтую працу на сябе возьме Auto Reframe. Для гэтага карыстачу дастаткова зрабіць пару маніпуляцый мышшу.
Рэалізацыя новай функцыі стала магчымая дзякуючы Adobe Sensei, рухавічку на аснове ІІ і алгарытмаў машыннага навучання. Sensei аналізуе відэа і фармуе на яго аснове ключавыя кадры - падзеі якія адпавядаюць пэўным момантам часу. Затым пры змене суадносін бакоў ён ужо на аснове ключавых кадраў перамалёўвае ўсе астатнія. Карыстальнік можа падправіць ключавыя кадры, выкарыстоўваючы інструмент тонкай наладкі.
Больш за тое, Auto Reframe выконвае адпаведныя пераўтварэнні і над тэкстам, які часта прысутнічае на відэа. Такім чынам, час працы над відэа скарачаецца да некалькіх хвілін.
Механізм аўтаматызацыі Adobe Sensei укаранёны ва ўсе прадукты Creative Cloud, якія ў апошні час усё больш арыентаваны на мабільныя платформы і сацыяльныя сеткі. Напрыклад, нядаўна кампанія выпусціла бясплатную мабільную версію Premiere Pro пад назовам Premiere Rush CC. Распрацоўнікі, у прыватнасці, дадалі туды спецыяльныя наладкі экспарту відэа для актыўных карыстальнікаў YouTube, Snapchat, Instagram, Facebook і Twitter.
Auto Reframe зявіцца ў Adobe Premiere Pro ужо сёлета.
Крыніца: 3dnews.ru