У рамках выставы QuakeCon 2019 кампанія Bethesda расказала аб планах па развіцці Fallout 76 да канца верасня. Распрацоўнікі дададуць нутрагульнявую падзею Season meat, перкі ў рэжыме каралеўскай бітвы «Ядзерная зіма», новую карту і рэйд.
За праходжанне рэйду карыстачы змогуць атрымаць новую браню і іншыя ўзнагароды. Акрамя таго, студыя пацвердзіла, што працуе яшчэ над некалькімі падзеямі, якія анансуюць пазней.
Расклад укаранення змен:
- З 1 жніўня - новае мерапрыемства Season meat;
- з 13 жніўня - новыя перкі ў каралеўскай бітве «Ядзерная зіма»;
- з 20 жніўня - новы рэйд у прытулак, які складаецца з трох новых заданняў. Яны будуць мяняцца кожны тыдзень;
- 20 жніўня — вітрыны CAMP, дзе можна вывесіць самае каштоўнае экіпіяванне;
- у верасні - новая карта для каралеўскай бітвы;
- у верасні - паляпшэнне нутрагульнявых падзей у адпаведнасці з водгукамі. Дапрацоўка сістэм узнагарод, хуткага перамяшчэння па лакацыях, паляпшэнне прэв'ю аб падзеях на карце і многае іншае;
- у верасні - даданне легендарнага прадаўца, прапановы якога будуць мяняцца штотыдзень.
19 ліпеня ў Fallout 76 патч, які выклікаў праблемы з узаемадзеяннем некаторых прадметаў. Карыстальнікі пажаліліся на частыя багі пры выкарыстанні сілавой броні. Персанажы захрасалі ў ёй, а пасля яе зняцця ў іх знікала галава. Таксама ў гульні з'явілася лакацыя, якая маментальна забівала гульцоў пры трапленні ў яе.
Крыніца: 3dnews.ru