Кампаніі Warner Bros. Interactive Entertainment, TT Games, The LEGO Group і Lucasfilm анансавалі новую LEGO-гульню па "Зорным войнам" – праект атрымаў назву LEGO Star Wars: The Skywalker Saga.
Слова «Сага» стаіць у загалоўку не проста так – па словах распрацоўшчыкаў, навінка будзе ўключаць усе дзевяць фільмаў серыі. «Вас чакае самая маштабная гульня ў серыі LEGO Star Wars, якая ахопіць усе дзевяць фільмаў знакамітай сагі пра Скайуокераў, у тым ліку доўгачаканы фінал — карціну “Зорныя войны: Скайуокер. Узыход”, - гаворыцца ў апісанні праекта. - Прэм'ера гульні адбудзецца ў 2020 годзе. Вас чакае грандыёзная прыгода, поўная свабода, а таксама сотні персанажаў і транспартных сродкаў. Гэта будзе ваша ўласнае падарожжа па прасторах далёкай-далёкай галактыкі».
Распрацоўка вядзецца для ПК, Xbox One, Nintendo Switch і PlayStation 4.
Праект абяцае велізарны выбар персанажаў, сярод якіх найвялікшыя героі накшталт Люка Скайуокера і Обі-Вана Кенобі, а таксама не менш легендарныя злыдні, такія як Дарт Вэйдэр і імператар Палпацін. Зразумела, з'явяцца і персанажы з новай трылогіі, у тым ліку з фінальнай серыі. «Бародзіць абшары космасу маецца быць на добра знаёмых выглядах транспарта — "Тысячагадовым сокале" і зорных крэйсерах Імперыі, СВД-знішчальніках і крыжакрылах, ці нават татуінскіх подах! - дадаюць распрацоўшчыкі. Падарожнічаючы па знаёмых планетах, будзем ваяваць з пацешнымі ворагамі і вырашаць просценькія галаваломкі на аснове канструктара.
Крыніца: 3dnews.ru