У выніку правядзення паліцыяй міжнароднага расследавання, у Вялікабрытаніі быў зачынены вэб-сайт Imminent Methods па продажы хакерскіх прылад, якія дазваляюць зламыснікам браць пад кантроль кампутары карыстачоў.
Па дадзеных Нацыянальнага крымінальнага агенцтва Вялікабрытаніі (NCA), паслугамі Imminent Methods скарысталася каля 14 500 чалавек. Для таго каб знайсці зламыснікаў, сілы правапарадку правялі ператрусы ў больш як 80 аб'ектах па ўсім свеце. У прыватнасці, у Вялікабрытаніі ператрусы прайшлі ў Халле, Лідсе, Лондане, Манчэстэры, Мерсісайдзе, Мілтан-Кінсе, Нотынгеме, Самэрсэце і Сурэі.
Таксама паліцыі ўдалося адсачыць людзей, якія набылі хакерскае праграмнае забеспячэнне. Ім будзе прад'яўлена абвінавачанне ў неналежным выкарыстанні камп'ютара. Міжнародную аперацыю ўзначальвала Федэральная паліцыя Аўстраліі.
Паліцыя паведаміла, што агулам у сувязі з продажам і выкарыстаннем хакерскага праграмнага забеспячэння было арыштавана 14 чалавек.
Узяўшы кантроль над вэб-сайтам, паліцыя зможа дэталёва разабрацца з яго дзейнасцю, а таксама вызначыць тых, хто купіў нелегальныя інструменты, кажа прафесар Алан Вудворд (Alan Woodward), эксперт па кібербяспецы з Універсітэта Сурэя.
«Улады зараз ведаюць, колькі карыстальнікаў купіла прапанаванае шкоднаснае ПЗ. Цяпер яны будуць працаваць над тым, каб выкрыць 14 500 чалавек, якія былі дастаткова дурныя, каб купіць гэта шкоднаснае ПЗ», - адзначыў Вудворд.
Крыніца: 3dnews.ru