Аперацыйная сістэма Windows 10 уключае некаторыя прылады для ўхілення непаладак, якія дазваляюць або захаваць файлы, або правесці чыстую пераўсталёўку сістэмы. Але, падобна, у Рэдмандзе эксперыментуюць з іншымі фарматамі аднаўлення. Бо не заўсёды пад рукой ёсць загрузны USB-назапашвальнік ці DVD-дыск, альбо доступ да іншага кампутара.
У свежай зборцы Windows 10 Insider Preview пад нумарам 18950 пункт, які тычыцца "хмарнага" бэкапу. Па сутнасці, гэта аналаг функцыі ў macOS. Там камбінацыя кнопак Option-Command-R ці Shift-Option-Command-R пры запуску ініцыюе падлучэнне да Інтэрнэту і загрузку апошняй версіі АС.
Паведамляецца, што функцыя можа з'явіцца толькі вясной наступнага года, паколькі яна ўваходзіць у "інсайдэрскую" зборку серыі 20H1. Апроч «хмарнага» бэкапу, там ёсць удасканаленая прылада Snip & Sketch, выпраўленне памылак і гэтак далей.
У цэлым, здаецца, што Windows 10 сапраўды становіцца лепш. Нямецкая арганізацыя AV-TEST паведаміла, што па выніках тэставання "Абаронца Windows" стаў антывірусам, рэзультатыўнасць якога знаходзіцца на ўзроўні прадуктаў Kaspersky і Symantec. Ён атрымаў максімальна магчымую адзнаку ў 18 балаў, гэта значыць ён зручны, хутка і забяспечвае патрэбны ўзровень абароны.
Таксама максімальны бал паставілі F-Secure SAFE, Kaspersky Internet Security і Symantec Norton Security. Avast Free Antivirus, AVG Internet Security, Bitdefender Internet Security, Trend Micro Internet Security, VIPRE Security Advanced Security набралі на 0,5 бала менш. У Webroot SecureAnywhere аказалася ўсяго 11,5 бала.
Крыніца: 3dnews.ru