Урад ЗША часова прыслабіла гандлёвыя абмежаванні, накладзеныя на мінулым тыдні ў дачыненні да кітайскай кампаніі Huawei Technologies.
Міністэрства гандлю ЗША падало Huawei часовую ліцэнзію тэрмінам з 20 траўня па 19 жніўня, якая дазваляе набываць тавары амерыканскай вытворчасці для забеспячэння эксплуатацыі працы існых сетак і абнаўленні праграмнага забеспячэння для існых тэлефонаў Huawei.
Разам з тым найбуйнейшаму ў свеце вытворцу тэлекамунікацыйнага абсталявання па-ранейшаму будзе забаронена купляць амерыканскія дэталі і кампаненты для вытворчасці новых прадуктаў без атрымання на гэта дазволу рэгулятара.
Па словах міністра гандлю ЗША Уілбура Роса (Wilbur Ross), дадзеная ліцэнзія дае амерыканскім аператарам сувязі, якія выкарыстоўваюць абсталяванне Huawei, час для прыняцця іншых мер.
"Калі сцісла, гэтая ліцэнзія дазволіць працягнуць існуючым карыстальнікам эксплуатацыю мабільных тэлефонаў Huawei і абслугоўванне шырокапалосных сетак у сельскай мясцовасці", – адзначыў Рос.
Крыніца: 3dnews.ru