Падобна, справы ў студыі Layopi Games пасля выпуску правальнай Devil's Hunt пайшлі дрэнна. Як паведамляе польскае выданне PPE, распрацоўшчык спыніў дзейнасць.
Пасля выхаду экшэна Devil's Hunt на ПК у верасні, каманда ў Варшаве пачала працу над анансаванымі раней кансольнымі версіямі гульні. Але, відаць, яны так і не выйдуць. Журналісты PPE, спасылаючыся на шматлікія ананімныя крыніцы з Layopi Games, выкрылі, што распрацоўнікам не плацяць ужо некалькі месяцаў. Лістападаўскі заробак выплачваўся трыма часткамі на працягу снежня, студзеня і лютага.
Сітуацыя пагоршылася ў мінулую пятніцу, калі супрацоўнікі прыйшлі на працу і выявілі, што жорсткія дыскі на ПК былі сцёртыя, а асабістыя рэчы выкінуты ў сметнік без папярэджання. Замест таго, каб абмеркаваць са сваімі людзьмі іх будучыню, кіраўнік студыі адключыў карпаратыўную электронную пошту. Афіцыйны рахунак Layopi Games у маўчыць з перыяду рэлізу Devil's Hunt. Апошняя актыўнасць была заўважана 1 кастрычніка.
Devil's Hunt з'яўляецца экшэнам па матывах рамана Паўла Ляшняка "Раўнавага". Галоўным героем з'яўляецца чалавек па імені Дэзманд, які заключыў здзелку з д'яблам і набыў дэманічныя сілы. Чалавечая натура ў ім паступова згасае, але, прайшоўшы скрозь браму пекла і вярнуўшыся назад, пратаганіст даведаецца пра ўсе бакі канфлікту, пасля чаго яму давядзецца зрабіць выбар, ад якога залежыць будучыня свету.
Гульня атрымала нізкія адзнакі крытыкаў: сярэдні рэйтынг на OpenCritic 50 балаў з 100. Акрамя таго, праект мае змешаныя водгукі ў Steam - толькі ў 51% з 135 аглядаў карыстальнікі выказаліся станоўча. У асноўным геймеры параўноўваюць Devil's Hunt з Devil May Cry і іранічна адзначаюць: "Калі б д'ябал гэта ўбачыў – ён бы абавязкова заплакаў". Гульня не вытрымлівае канкурэнцыі з сучаснымі праектамі ні ў графіцы, ні ў анімацыі, ні ў баявой сістэме.
Крыніца: 3dnews.ru