Samsung вырашыла развеяць сумневы з нагоды зносаўстойлівасці складанага смартфона Galaxy Fold, распавёўшы, як тэстуецца кожная прылада.
Кампанія падзялілася відэа, у якім дэманструецца, як смартфоны Galaxy Fold праходзяць завадскія стрэс-тэсты, падчас якіх іх складаюць, затым раскрываюць і затым зноў складаюць.
Samsung сцвярджае, што смартфон Galaxy Fold коштам $1980 (у ЗША) можа вытрымаць як мінімум 200 000 згінанняў-разгінанняў. І калі колькасць цыклаў згінанняў-разгінанняў не будзе перавышаць 100 у дзень, то тэрмін яго службы складзе каля 5 гадоў.
Але, як піша рэсурс Engadget, пытанне заключаецца не ў тым, ці можа Galaxy Fold складацца-раскладвацца належным чынам, а ў тым, што існуюць таксама праблемы з эстэтыкай, якія могуць паўплываць на попыт на навінку.
Па-першае, смартфон не складаецца ідэальна, як ліст паперы, у яго маецца невялікі зазор паміж дзвюма часткамі ў складзеным стане. Па-другое, у расчыненым выглядзе на дысплеі Galaxy Fold з'яўляецца зморшчына. Яе можна заўважыць на фота ніжэй.
Зрэшты, пакуль не ясна, наколькі моцна могуць паўплываць падобныя заганы дысплея на продажы смартфона. Нагадаем, Samsung Galaxy Fold паступіць у продаж у ЗША 26 красавіка па кошце ад $1980, у Еўропе яго рэалізацыя пачнецца 3 траўня па кошце ад 2000 еўра.
Крыніца: 3dnews.ru