Сацыяльная сетка "УКантакце" абвясціла аб змене сістэмы верыфікацыі профіляў і супольнасцяў. З гэтага часу атрымаць «галачку» нашмат прасцей. Пацвярджэнне змогуць атрымаць больш таленавітых аўтараў, прадстаўнікоў бізнесу і лідэраў меркаванняў, чым раней.
«Адзнака аб праходжанні верыфікацыі перастае быць сімвалам асаблівай папулярнасці. Яна толькі азначае, што старонку вядуць сапраўдныя прадстаўнікі, а не фанаты ці зламыснікі», - гаворыцца ў паведамленні.
Цяпер для праходжання верыфікацыі дастаткова даказаць сваю вядомасць на ўзроўні горада або прадаставіць дакументальныя доказы таго, што вы звязаны з бізнесам, які прасоўваецца ў сацсетцы. Усе неабходныя звесткі пералічаны на старонцы з формай заяўкі, якую зараз можна запоўніць прама ў наладах профіля або супольнасці.
«Мы ўвялі верыфікацыю восем гадоў таму і разглядалі яе як спосаб вылучыць сапраўдную старонку сярод дзясяткаў фэйкаў. Патрабаванні былі вельмі высокія: напрыклад, частыя згадкі ў буйных СМІ. Многія пачаткоўцы аўтары і нават сярэднія бізнэсы не адпавядалі гэтым крытэрам. У выніку было цяжка знайсці іх старонкі. Цяпер мы робім верыфікацыю больш даступнай і празрыстай», — заявіў Канстанцін Сідоркаў, дырэктар па стратэгічных камунікацыях сацсеткі.
Крыніца: 3dnews.ru