Man of Medan - першая частка ў хорар-анталогіі The Dark Pictures ад Supermassive Games - будзе даступная ў канцы месяца, але нам удалося ўбачыць першую чвэрць гульні на спецыяльным закрытым паказе для прэсы. Часткі анталогіі сюжэтна ніяк не звязаны, але будуць аб'яднаны агульнай тэмай гарадскіх легенд. Падзеі Man of Medan круцяцца вакол карабля-здані Ourang Medan, што азначае "Чалавек з Медана".
Дакладна невядома, ці існаваў такі карабель наогул, аднак папулярная версія абвяшчае, што галандскае судна адправілася з порта ў маленькім кітайскім мястэчку ў Коста-Рыку, але так і не прыбыла ў месца прызначэння. Па дарозе з Ourang Medan перадалі сігнал аб дапамозе, а калі да карабля дабраліся, то знайшлі толькі мёртвую каманду. Без усялякіх слядоў гвалту. Да таго, як у таямнічай трагедыі паспелі разабрацца, судна ўзарвалася і пайшло на дно.
Man of Medan расказвае гісторыю нашых дзён. Чацвёра маладых сяброў арандуюць лодку і адпраўляюцца ў акіян, ныраць і разглядаць затанулыя абломкі. Уласна, у апрабаванай версіі якраз паказваецца, як героі знайшлі той самы злавесны карабель. Як і папярэдні твор аўтараў — , Man of Medan уяўляе сабой інтэрактыўнае кіно са мноствам дзеючых асоб, якімі мы па чарзе кіруем.
Аўтары ганарацца нелінейнасцю гісторыі, якой ім удалося дабіцца. Вашыя рашэнні, нават самыя маленькія, могуць і будуць уплываць на далейшы ход падзей. Гэта можа быць як малаважная змена знешнасці, накшталт траўмы ў аднаго з персанажаў, да новых сюжэтных сцэн. Напрыклад, калі адзін з герояў застанецца цвярозым, то яго сцэнарная лінія прыкметна памяняецца. Дзеянні адных людзей адаб'юцца на іншых, і тое, як вы наладжваеце паміж імі адносіны, можа ў выніку вырашыць пытанне жыцця і смерці.
Дзякуючы цеснаму перапляценню некалькіх сюжэтных нітак, у Man of Medan вельмі дарэчы глядзіцца кааператыў – гульню цалкам можна прайсці разам з напарнікам. У адрозненне ад , якая цалкам завязана на ўзаемадзеянні, у Supermassive Games героі прынамсі палову часу праводзяць паасобна. І ў такіх выпадках у кожнага гульца свае сцэны ў розных лакацыях. Вы не бачыце дзеянняў партнёра, не ведаеце яго рашэнняў, і застаецца толькі назіраць наступствы і спадзявацца, што яго глупства не выйдзе вам бокам.
Можна, вядома, наладзіць галасавы чат, але ўся соль якраз у няведанні: заўсёды цікава паглядзець, куды паверне гісторыя, над якой вы не ўладныя як мінімум напалову. Асноўны гулец бачыць тую частку падзей, якая будзе ў стандартным адзіночным рэжыме. Госць, у сваю чаргу, удзельнічае ў гісторыі ў тых сцэнах, што будуць даступныя аматарам сола толькі ў "рэжыме куратара", які якраз дазволіць убачыць сюжэт з іншага пункту гледжання пасля першага праходжання. Праўда, на рэлізе ён будзе даступны толькі тым, хто зробіць папярэдні заказ, і для ўсіх іншых будзе дададзены бясплатна недзе восенню.
Па адчуваннях Man of Medan здаецца больш камерным праектам, чым Until Dawn – тут менш персанажаў, менш лакацый, падзеі разгортваюцца больш мерна. Як я адразу адзначыў, нам паказалі прыкладна чвэрць гульні, і прайсці гэты адрэзак удалося за гадзіну з невялікім. Значыць, на поўнае праходжанне спатрэбіцца чатыры-пяць гадзін. І не забудзьцеся памножыць лічбу на два, каб убачыць падзеі ад асобы іншых персанажаў у «рэжыме куратара».
Man of Medan выдатна падыдзе і для адзіночнага праходжання, і для кааператыва, і нават для вясёлага вечара ў кампаніі. Асаблівы рэжым дазволіць размеркаваць ролі герояў паміж пяццю людзьмі, і гульня ў кожнай сцэне будзе апавяшчаць, чыя чарга браць геймпад у рукі. Рэліз адбудзецца на PC, PS4 і Xbox One ужо зусім хутка – 30 жніўня.
Крыніца: 3dnews.ru