Штогадовая канферэнцыя Oculus Connect ад Facebook, прысвечаная новым распрацоўкам у сферы віртуальнай і дапоўненай рэальнасці, запланавана на 16 верасня. З-за пандэміі каранавіруса мерапрыемства будзе праходзіць у анлайн-фармаце. Што цікава, кампанія вырашыла перайменаваць івэнт. З гэтага часу ён будзе называцца Facebook Connect.
«Connect стаў нечым большым, чым простым мерапрыемствам аб новых тэхналогіях Oculus. Вас чакаюць апошнія навіны аб многіх прадуктах, пачынаючы ад Spark AR і заканчваючы Facebook Horizon. Таму наш штогадовы івэнт аб VR- і AR-тэхналогіях зараз будзе называцца Facebook Connect. Гэта назва лепш адлюстроўвае ўсю паўнату ахопу тых тэхналогій, пра якія пойдзе гаворка», – гаворыцца ў паведамленні на афіцыйным блогу кампаніі.
Паколькі сёлета мерапрыемства будзе праводзіцца ў анлайн-фармаце, то яго змогуць паглядзець усе ахвочыя і пры гэтым, што ўпершыню для івента, цалкам бясплатна.
Facebook таксама паведаміла, што вырашыла памяняць назву ўнутранай студыі, якая займаецца распрацоўкай тэхналогій віртуальнай і дапоўненай рэальнасці. Цяпер яна будзе называцца Facebook Reality Labs (FRL). Першапачаткова гэтая назва належала даследчай камандзе Facebook, якая да гэтага звалася Oculus Research. Цяпер яна будзе вядома пад назвай FRL Research. Яе кіраўніцтвам па-ранейшаму будзе займацца піянер і тэхнолаг у галіне відэагульняў Майкл Абраш (Michael Abrash), які прыйшоў у Facebook з Oculus і зараз кіруе навуковымі распрацоўкамі.
Кампанія таксама ўдакладніла, што не збіраецца адмаўляцца ад назову Oculus у сваіх прадуктах віртуальнай рэальнасці. Facebook па-ранейшаму плануе выпуск новых VR-гарнітур пад брэндам Oculus. І ўвогуле, Oculus з'яўляецца для яе сэрцам VR-распрацовак.
Магчыма, далёка не ўсім прыхільнікам сферы віртуальнай рэальнасці спадабаецца рэбрэндынг мерапрыемства. Раней Facebook сутыкнулася з хваляй крытыкі пасля таго, як паведаміла, што паўнавартасна карыстацца гарнітурамі Oculus з кастрычніка гэтага года без акаўнта ў сацыяльнай сетцы не атрымаецца.
Крыніца:
Крыніца: 3dnews.ru