Кампаніі Wargaming і Games Workshop абвясцілі аб супрацоўніцтве. Разам яны дададуць у World of Warships караблі і камандзіраў у стылістыцы змрочнага сусвету Warhammer 40,000.
У рамках падзеі будуць даступныя жахлівыя караблі двух фракцый Warhammer 40,000 – Імперыума і Хаосу. Кіраваць імі будуць камандзіры Юстыніян Лаёнс XIII і Артас Роктар Халодны.
«Мы вельмі рады супрацоўнічаць з такім культавым брэндам, як Warhammer 40,000, які збірае неверагодна гарачую і адданую аўдыторыю, прычым некаторыя з іх з'яўляюцца выхадцамі з нашых уласных шэрагаў, - адзначыў выканаўчы прадзюсер World of Warships Філіп Маладкавец. — Змрочная гатычная атмасфера Warhammer 40,000 надасць вастрыню рэалістычнага сусвету World of Warships, што зробіць гэтае супрацоўніцтва яшчэ цікавейшым».
Ужо з 27 траўня гульцы змогуць набыць адмысловы камплект World of Warships, які ўключыць у сябе сцягі і нашыўкі, а таксама адмысловую місію, узнагародай за праходжанне якой з'яўляюцца кантэйнеры Warhammer 40,000 з тэматычнымі караблямі, камандзірамі і камуфляжам.
Тэматычны кантэнт Warhammer 40,000 можна будзе набыць як у World of Warships на ПК, так і ў World of Warships Legends на Xbox One і PlayStation 4 (у чэрвені).
Крыніца: 3dnews.ru