Кампанія Google рэлізную версію браўзэра Chrome 80, якая атрымала шэраг новаўвядзенняў. Гэтая зборка атрымала функцыю групоўкі ўкладак, якая дазволіць збіраць у групы патрэбныя ўкладкі з агульным імем і колерам. Па змаўчанні яна ўключаная для некаторых карыстачоў, усе астатнія могуць актываваць яе з дапамогай опцыі chrome://flags/#tab-groups.
Яшчэ адным новаўвядзеннем стала больш жорсткая палітыка адносна Cookie, калі той ці іншы сайт не выкарыстоўвае запыты HTTPS. Гэта дазволіць адсекчы рэкламу і трэкеры адсочвання, якія падгружаюцца з іншых даменаў, адрозных ад бягучага. Гэтая магчымасць стартуе з 17 лютага і будзе паступова пашырацца.
Важна адзначыць, што больш цвёрдае абмежаванне Cookie можа згуляць злы жарт з карыстачамі. Бо не ўсе сайты перайшлі на новы стандарт SameSite Cookie, рэкамендаваны Google. Праз гэта некаторыя рэсурсы могуць не загружацца ці працаваць няправільна. У карпарацыі выпусцілі спецыяльны ролік, які тлумачыць прынцыпы працы алгарытму.
Акрамя таго, у новай версіі сістэма апавяшчэнняў стане менш агрэсіўнай і дакучлівай. Гэта датычыцца push-паведамленняў і іншых падобных рэчаў. Гэтая навінка таксама будзе спачатку актываваная выбарачна, а ўжо затым яе разгорнуты для ўсіх. Прымусова яе можна запусціць праз сцяг chrome://flags/#quiet-notification-prompts.
З дробязяў адзначым базавую абарону ад загрузкі змешанага мультымедыйнага кантэнту, пачатак адмовы ад FTP, а таксама падтрымку вектарных SVG-малюнкаў у якасці піктаграм сайтаў. Нарэшце, дадалі шматлікія змены для вэб-распрацоўшчыкаў. браўзэр можна на афіцыйным сайце.
Крыніца: 3dnews.ru