Яшчэ ў сакавіку Microsoft упершыню абвясціла аб выпуску Microsoft Defender ATP для Mac. Цяпер жа пасля ўнутранага тэсціравання прадукту кампанія паведаміла, што выпусціла публічную папярэднюю версію.
У Microsoft Defender дадалася лакалізацыя на 37 мовах, павысілася прадукцыйнасць, а таксама была палепшана абарона ад несанкцыянаванага доступу. Адпраўляць узоры вірусаў зараз можна праз асноўны інтэрфейс праграмы. Там жа можна размяшчаць водгукі. Акрамя таго, сістэма навучылася больш якасна адсочваць стан кліенцкіх прадуктаў. А адміністратары могуць выдалена кіраваць абаронай з любога месца ў свеце, а не толькі са ЗША.
Адзначаецца, што Microsoft Defender ATP можа працаваць на прыладах пад кіраваннем macOS Mojave, macOS High Sierra ці macOS Sierra. На працягу перыяду папярэдняга тэставання Microsoft Defender ATP для Mac дазволіць канчатковым карыстачам праглядаць і наладжваць параметры абароны. Аб тэрмінах выхаду рэлізнай версіі пакуль нічога не паведамляецца.
Адзначым, што Microsoft актыўна імкнецца пераносіць свае прадукты на іншыя аперацыйныя сістэмы. Нядаўна стала Canary-версія браўзэра Edge на рухавічку Chromium, якая прызначаная менавіта для «Макінтошаў». І хоць яна працуе толькі на Mojave, але сам факт экспансіі кампаніі з Рэдманда на яблычную тэхніку бясспрэчны.
Крыніца: 3dnews.ru