Кампанія Mozilla прадставіла трэцюю версію свайго мабільнага браўзэра Firefox Preview, якая атрымала шэраг новых магчымасцей. Паведамляецца, што навінка стала больш бяспечнай і прасцей у выкарыстанні.
У ліку асаблівасцяў новай версіі адзначаецца павышэнне абароны ад збору даных з боку вэб-сайтаў. Спасылкі адкрываюцца зараз у прыватных укладках па змаўчанні, а гісторыю браўзэра можна пачысціць пры выхадзе аўтаматычна.
Не забыліся распрацоўшчыкі і аб блакіроўцы рэкламы. У новай версіі яе можна настройваць больш гнутка, чым раней. У прыватнасці, гэта датычыцца выключэнняў.
Для сінхранізацыі дадзеных паміж прыладамі можна абраць тып інфармацыі, а музыку і відэа запускаць у фонавым рэжыме. Таксама адзначаецца палепшаны прагляд і кіраванне загрузкамі, даданне пошукавых сістэм, магчымасць рознага размяшчэння панэлі навігацыі і прымусовая актывацыя маштабавання.
Новая версія прыкладання ўжо у краме Google Play. Устаноўленыя версіі будуць абноўлены ў аўтаматычным рэжыме.
Крыніца: 3dnews.ru