"Музей Яндэкса" абвясціў конкурс на распрацоўку гульняў для ZX Spectrum - культавага хатняга кампутара, які карыстаўся вялікай папулярнасцю ў тым ліку і ў нашай краіне.
ZX Spectrum быў распрацаваны брытанскай кампаніяй Sinclair Research на аснове мікрапрацэсара Zilog Z80. У пачатку васьмідзесятых гадоў ZX Spectrum быў адным з самых папулярных кампутараў у Еўропе, а на тэрыторыі былога СССР/СНД вялікае распаўсюджванне атрымалі клоны гэтай прылады, такія як «Хобіт», «Брыз» ці «Нафаня».
Папулярнасць ZX Spectrum забяспечылі невысокі кошт, падтрымка колеру і даступнасць камплектавалых. На платформе была даступная вялікая колькасць разнастайных гульняў.
«Кампутар жыве, пакуль для яго выпускаюць софт. Нам хочацца, каб «Спектрум» працягваў жыць, таму мы аб'яўляем Yandex Retro Games Battle – конкурс па распрацоўцы гульняў для «Спектрума» з грашовымі прызамі», – заявіў расейскі IT-гігант.
Удзельнікам спаборніцтва прапануецца стварыць гульню любога жанру для платформы ZX Spectrum. Галоўная ўмова - гульня павінна быць арыгінальнай і запускацца на ZX Spectrum з 48 або 128 кілабайтамі памяці. Выкарыстанне любой дадатковай перыферыі забаронена.
Падаць заяўку на ўдзел у спаборніцтве можна
Гульні будуць ацэньваць па трох крытэрыях: геймплэй, графіка і гук. Аўтар найлепшай гульні атрымае 70 тысяч рублёў. Узнагарода за другое і трэцяе месцы складзе 40 тысяч і 30 тысяч рублёў адпаведна. Акрамя таго, будзе ўручаны прыз сімпатый гледачоў у памеры 30 тысяч рублёў.
Крыніца: 3dnews.ru