Прэзідэнт Расіі Уладзімір Пуцін правёў пашыранае пасяджэнне Савета Бяспекі, на якім абмяркоўваліся шляхі ўдасканалення дзяржаўнай палітыкі ў галіне касмічнай дзейнасці.
Па словах спадара Пуціна, айчынная ракетна-касмічная галіна патрабуе глыбокай мадэрнізацыі. У абнаўленні мае патрэбу немалая частка абсталявання, а таксама электронная кампанентная база.
"Важна знайсці эфектыўныя механізмы інавацыйнага развіцця ракетна-касмічнай галіны, засяродзіць фінансавыя, арганізацыйныя, кадравыя, адміністрацыйныя рэсурсы на прыярытэтных напрамках, прапаноўваць новыя формы дзяржаўна-прыватнага партнёрства", - адзначыў кіраўнік дзяржавы.
Уладзімір Пуцін таксама заявіў аб неабходнасці больш актыўнага выкарыстання касмадрома Плясецк і завяршэння будаўніцтва другой чаргі касмадрома Усходні.
"Хачу зноў падкрэсліць, мы павінны мець незалежны доступ у космас з расійскай тэрыторыі, і ўжо ў бліжэйшай перспектыве пускавыя нагрузкі на касмадром Усходні павінны ўзрасці", - сказаў прэзідэнт Расіі.
Паводле слоў Уладзіміра Пуціна, у 2021 годзе з Усходняга павінен быць ажыццёўлены запуск ракеты-носьбіта "Ангары-А5". А ў 2025 годзе з гэтага касмадрома павінна стартаваць ракета цяжкага класа "Ангара-А5М".
«Расея валодае багатым досведам распрацоўкі і вытворчасці касмічнай тэхнікі, падрыхтоўкі да палётаў, рэалізацыі маштабных навуковых праграм на арбіце. Гэта ўнікальны зачын, але яго, вядома, пастаянна трэба нарошчваць», - дадаў Уладзімір Пуцін.
Крыніца: 3dnews.ru