Распрацоўнікі гульняў гадамі імкнуцца да стварэння рэалістычнай сістэмы пралікаў фізікі і разбурэнняў. У свой час тэхналогіі Havoc і PhysX нарабілі шмат шуму, але заўсёды ёсць куды развівацца і да чаго імкнуцца. Кампанія Epic Games прадэманстравала свае апошнія дасягненні на гэтай ніве падчас канферэнцыі распрацоўшчыкаў гульняў GDC 2019.
На прэзентацыі State of Unreal кампанія паказала публіцы вельмі ўражлівую кароткаметражку, якая адначасова выступае тэхналагічнай дэманстрацыяй новай высокапрадукцыйнай сістэмы праліку фізікі і разбурэнняў Chaos. Папярэдняя версія апошняй зявіцца ў зборцы рухавічка Unreal Engine 4.23.
Дэманстрацыя прысвечана міру Robo Recall, у якім лідэр супраціву робатаў k-OS пракралася ў ваенную лабараторыю і выкрала сакрэтнае абсталяванне. За ёй у пагоню адпраўлены магутны ваенны робат – апошні непаваротлівы, але кампенсуе сваю нязграбнасць самавітым узбраеннем. Само сабой, гораду ад такога спалучэння не паздаровіцца.
Тэхналагічная кароткаметражка заклікана наглядна паказаць, што Chaos дазваляе атрымаць у Unreal Engine візуальныя эфекты кінематаграфічнай якасці ў рэжыме рэальнага часу ў сцэнах з маштабнай ступенню разбурэнняў і з высокім узроўнем кантролю распрацоўшчыкаў над працэсам стварэння кантэнту.
Крыніца: 3dnews.ru