Федэральная служба па наглядзе ў сферы сувязі, інфармацыйных тэхналогій і масавых камунікацый (Раскамнагляд) паведамляе аб блакіроўцы двух інтэрнэт-рэсурсаў, якія незаконна распаўсюджваюць базы з персанальнымі дадзенымі расейцаў.
Закон "Аб персанальных дадзеных" патрабуе атрымання ўсвядомленай згоды грамадзян на апрацоўку іх персанальных звестак у дакладна вызначаных мэтах. Аднак часта розныя вэб-рэсурсы распаўсюджваюць базы з персанальнай інфармацыяй расейцаў без іх згоды.
Менавіта ў такой супрацьпраўнай дзейнасці былі абвінавачаны сайты phreaker.pro і dublikat.eu. "Такім чынам, адміністрацыяй інтэрнет-рэсурсаў парушаны правы і законныя інтарэсы грамадзян, а таксама патрабаванні расійскага заканадаўства ў галіне персанальных даных", — гаворыцца ў паведамленні Раскамнагляду.
У адпаведнасці з пастановай суда, на названыя вэб-рэсурсы накладзена блакіроўка. Атрымаць да іх доступ на тэрыторыі Расійскай Федэрацыі звычайнымі спосабамі зараз немагчыма.
Раскамнагляд адзначае, што спецыялісты ажыццяўляюць рэгулярны маніторынг інтэрнэт-прасторы на прадмет выяўлення сайтаў і сеткавых супольнасцяў па продажы баз, якія змяшчаюць персанальныя дадзеныя расейцаў. Практыка паказвае, што ў большасці выпадкаў уладальнікі такіх рэсурсаў аддаюць перавагу выдаляць супрацьпраўны кантэнт, не чакаючы блакіроўкі.
Крыніца: 3dnews.ru