Ĉinio diris dimanĉe, ke ĝi klopodos plibonigi protekton de rajtoj de intelekta proprieto, inkluzive de pliigo de la limo de monpunoj pro malobservo de tiaj rajtoj.
La fina dokumento, publikigita de la Ŝtata Konsilantaro kaj la Centra Oficejo de la Komunista Partio dimanĉe vespere, postulas pli fortajn protektojn en la sistemoj de civila kaj krima justeco. La aŭtoritatoj ankaŭ postulas la efikan uzon de punoj.
La ĉina registaro estas konvinkita, ke la superaj limoj de laŭleĝa kompenso devas esti alte levitaj. La dokumento diras, ke ĝis 2022, Ĉinio devas progresi pri aferoj, kiuj influas plenumadon de intelektapropraĵaj rajtoj, kiel malalta kompenso, altaj kostoj kaj malfacileco de pruvo. Ĝis 2025, pli bona protekta sistemo devus esti kreita.
La Ĉina Popola Respubliko, kiel oni scias, ĝis nun distingiĝis per tre liberala sinteno al malobservoj en la kampo de intelekta proprieto: tio ebligis kopii eksterlandajn evoluojn sen specialaj sekvoj. Tamen, nuntempe, Ĉinio mem ankaŭ disvolvas siajn proprajn progresintajn evoluojn, do daŭrigi tian politikon povas fariĝi kontraŭprodukta, kaj pli serioza sinteno al protektado de la interesoj de kopirajtuloj faros la landon pli alloga por gastigado de altnivelaj laboratorioj.
fonto: 3dnews.ru