La Eŭropa Suda Observatorio (ESO) prezentis mirindajn fotojn de la tuta suna eklipso kiu okazis la 2-an de julio ĉi-jare.
La totala suna eklipso pasis tra la Observatorio La Silla de ESO en Ĉilio. Estas kurioze, ke tiu ĉi astronomia evento okazis en la kvindeka jaro de agado de la menciita observatorio - La Silla estis malfermita jam en 1969.
Je 16:40 loka ĉilia tempo, la Luno malklarigis la Sunon: totala suna eklipso estis observita ene de 150-kilometra strio en norda Ĉilio. La totala fazo de la eklipso daŭris proksimume du minutojn.
Oni devas rimarki, ke La Silla havas du el la plej produktivaj 4-metraj klasteleskopoj en la mondo. Temas pri la 3,58-metra Nov-Teknika Teleskopo (NTT), kiu siatempe fariĝis la unua teleskopo de la mondo kun komputile regata ĉefa spegulo (aktiva optiko).
La dua instrumento estas la 3,6-metra teleskopo de ESO, kiu nuntempe funkcias kune kun la plej altnivela eksoplanedĉasisto de la mondo, la HARPS-instrumento.
fonto: 3dnews.ru