La Usona Nacia Aeronaŭtika kaj Spaca Administracio (NASA) proponas alian rigardon al la mirinde bela kunmetita bildo de la Krabo-Nebulozo, situanta en la konstelacio Taŭro.
La nomita objekto situas je distanco de proksimume 6500 lumjaroj de ni. La nebulozo estas la restaĵo de supernovao, kies eksplodo, laŭ la registroj de arabaj kaj ĉinaj astronomoj, estis observita la 4-an de julio 1054.
La prezentita kunmetita bildo estis akirita en 2018 uzante datumojn de la Chandra X-radia Observatorio, la Kosmoteleskopo Spitzer kaj la Kosmoteleskopo Hubble de NASA/ESA). Hodiaŭ, NASA denove publikigas mirindan bildon, kiu servas kiel memorigilo pri la enormaj sciencaj kontribuoj faritaj de ĉi tiuj tri instrumentoj. Cetere, Hubble ĵus festis sian tridekan datrevenon.
La kunmetita bildo kombinas Rentgenfotan (blankan kaj bluan), infraruĝan (rozkoloran), kaj videblajn (magenta) datumojn.
Ni aldonas, ke la Krabo-Nebulozo havas diametron de proksimume 11 lumjaroj kaj ekspansiiĝas kun rapideco de ĉirkaŭ 1500 kilometroj sekundo. En la centro estas la pulsaro PSR B0531+21, proksimume 25 km en grandeco.
fonto: 3dnews.ru