La usona Nacia Aeronaŭtika kaj Spaca Administracio (NASA) anoncis gravan malkovron: super la surfaco de unu el la lunoj de Jupitero oni detektis akvovaporon.
Ni parolas pri Eŭropo, la sesa Joviana luno, la plej malgranda el la kvar galileaj lunoj. Tiu ĉi korpo, laŭ disponeblaj datumoj, konsistas ĉefe el silikataj rokoj, kaj enhavas ferkernon en la centro.
Sciencistoj longe konjektis, ke grandega oceano da akvo povas esti kaŝita sub la multaj kilometroj da glacikrusto de Eŭropo. Ĝia volumeno, laŭ kelkaj hipotezoj, povas esti duoble la volumeno de la oceanoj de la Tero.
Novaj datenoj indikante la ĉeeston de akvovaporo sur Eŭropo apogas la teorion de la ekzisto de giganta subtera oceano. La konkludoj baziĝas sur informoj akiritaj de la teleskopoj de la Observatorio Keck, kiuj situas sur la pinto de Mauna Kea sur la insulo Havajo (Usono).
Esploristoj diras, ke vivo postulas tri ŝlosilajn ingrediencojn por ekzisti. Temas pri esencaj kemiaj elementoj (karbono, hidrogeno, oksigeno, nitrogeno, fosforo kaj sulfuro) kaj fontoj de energio - ili troviĝas en la tuta sunsistemo. Samtempe, la tria komponanto - likva akvo - estas ege malfacile trovebla ie ekster la Tero.
Tial, la supozata ĉeesto de subtera oceano sur Eŭropo povas krei kondiĉojn por subteni mikroskopan vivon.
fonto: 3dnews.ru