En la retejo de la neprofitcela organizaĵo Vikimedia Fondaĵo, kiu subtenas la infrastrukturon de pluraj crowdsourcing vikiprojektoj, inkluzive de Vikipedio, aperis , kiu deklaras ke la Interreta enciklopedio misfunkciis pro celita retpirata atako. Antaŭe oni sciis, ke en kelkaj landoj Vikipedio provizore ŝanĝiĝis al eksterreta funkciado. Laŭ disponeblaj datumoj, uzantoj el Rusio, Britio, Francio, Nederlando, Pollando kaj iuj aliaj landoj perdis aliron al la reto-rimedo.
La mesaĝo parolas pri longedaŭra atako, kiun specialistoj pri informa sekureco provis forpuŝi. La projektsubtena teamo intense laboris por restarigi la aliron al Vikipedio kiel eble plej rapide.
“Kiel unu el la plej popularaj retejoj en la mondo, Vikipedio foje altiras la atenton de senskrupulaj uzantoj. Kune kun la resto de la Interreto, ni funkcias en kompleksa medio en kiu minacoj konstante evoluas. Tial la Vikimedia komunumo kaj la Vikimedia Fondaĵo kreis sistemojn kaj personaron por kontinue kontroli kaj mildigi riskojn. Se aperas problemo, ni lernas, ni pliboniĝas, kaj ni prepariĝas por esti eĉ pli bonaj la venontan fojon,” diris la organizo en deklaro en sia retejo.
Oni ankoraŭ ne scias kiom grandskala estis la atako kontraŭ la Vikipediaj serviloj, kaj kiaj agoj estis faritaj por forpuŝi ĝin. Eblas, ke ĉi tiuj datumoj estos anoncitaj post la esploro de la okazaĵo.
fonto: 3dnews.ru