Հետաքննությունների դաշնային բյուրոյի (ՀԴԲ) տվյալներով՝ տարբեր տեսակի կիբերհանցագործությունների հետ կապված միջադեպերի թիվը կորոնավիրուսային համաճարակի ընթացքում աճել է 300%-ով։ Ընդամենը անցած շաբաթ վարչությունն օրական ստացել է 3-ից 4 հազար բողոք տարբեր կիբերհանցագործությունների վերաբերյալ, մինչդեռ մինչ կորոնավիրուսային համաճարակը նման բողոքների թիվը օրական չէր գերազանցում 1000-ը։
Նախ և առաջ, նման տպավորիչ թռիչքը պայմանավորված է այն օգտատերերի դեմ ուղղված հարձակումների քանակի ավելացմամբ, ովքեր տեղյակ չեն անվտանգության տարրական միջոցներից և ստիպված են լինում տանը մնալ կարանտինի պատճառով։ ՀԴԲ-ն նշում է տարբեր երկրներում կառավարական հաքերների կողմից իրականացվող հարձակումների աճի մակարդակը։ Գերատեսչությունը կարծում է, որ նման արշավները կազմակերպվում են՝ նպատակ ունենալով գողանալ հետազոտությունների տվյալները՝ կապված կորոնավիրուսի հետ։
«Տարբեր երկրներ շատ շահագրգռված են կորոնավիրուսի մասին տեղեկատվություն և պատվաստանյութ ստանալու հարցում, որը կարող է հակազդել դրան։ Մենք տեսել ենք հետախուզական գործունեություն և ներխուժման փորձեր որոշ գործակալությունների ենթակառուցվածք, որոնք հայտարարել են, որ իրենք իրականացնում են կորոնավիրուսի հետ կապված հետազոտություններ», - ասաց ՀԴԲ-ի կիբերանվտանգության բաժնի խոսնակ Տոնյա Ուգորեցը:
Նշվել է, որ այնպիսի բժշկական կազմակերպություններ, ինչպիսին է Առողջապահության համաշխարհային կազմակերպությունը, ինչպես նաև սոցիալական ծառայությունները, գնալով դառնում են հաքերային հարձակումների թիրախ։ Բացի այդ, հասարակ քաղաքացիներին ուղղված ֆիշինգ արշավների թիվը զգալիորեն աճում է։ Դրանց իրականացման գործընթացում օգտատերերին ուղարկվում են նամակներ ենթադրյալ օրինական աղբյուրներից, որոնք պարունակում են վնասակար ռեսուրսների հղումներ։
Source: 3dnews.ru