ԱՄՆ Օվկիանոսների և մթնոլորտի ազգային վարչության (NOAA) ղեկավարի պաշտոնակատար Նիլ Ջեյքոբսը ասել է, որ 5G-ով աշխատող սմարթֆոնների միջամտությունը կարող է նվազեցնել եղանակի կանխատեսումների ճշգրտությունը 30%-ով։ Նրա կարծիքով, 5G ցանցերի վնասակար ազդեցությունը կվերադարձնի օդերեւութաբանությունը տասնամյակներ առաջ։ Նա նշեց, որ եղանակի կանխատեսումները 30%-ով ավելի քիչ ճշգրիտ են եղել, քան հիմա՝ 1980թ. Այս մասին պարոն Ջեյքոբսը հայտարարել է օրեր առաջ ԱՄՆ Կոնգրեսում ելույթ ունենալիս։
Նման լուրերը պետք է մտահոգեն ԱՄՆ ափամերձ բնակիչներին, քանի որ նրանք 2-3 օրով քիչ ժամանակ կունենան մոտեցող փոթորիկներին պատրաստվելու համար։ NOAA-ն կարծում է, որ 5G ցանցերի միջամտությունը կարող է ազդել փոթորիկների երթուղու ճշգրտության վրա:
Հիշեցնենք, որ կապի դաշնային հանձնաժողովը (FCC) աճուրդ է սկսել, որով կվաճառվի 24 ԳՀց հաճախականության տիրույթը։ Դա տեղի ունեցավ չնայած NASA-ի, NOAA-ի և ԱՄՆ օդերևութաբանական ընկերության բողոքներին: Ավելի ուշ մի քանի սենատորներ խնդրեցին FCC-ին արգելել 24 ԳՀց տիրույթի օգտագործումը, մինչև լուծում չգտնվի:
Խնդրի էությունը կայանում է նրանում, որ ջրային գոլորշիների առաջացման գործընթացում մթնոլորտ են ներթափանցում թույլ ազդանշաններ 23,8 ԳՀց հաճախականությամբ։ Այս հաճախականությունը մոտ է այն տիրույթին, որը հեռահաղորդակցության ընկերությունները մտադիր են օգտագործել հինգերորդ սերնդի (5G) կապի ցանցեր տեղակայելիս: Այս ազդանշաններին հետևում են օդերևութաբանական արբանյակները, որոնք տվյալներ են տրամադրում փոթորիկների և եղանակային այլ իրադարձությունների կանխատեսման համար: Օդերեւութաբանները կարծում են, որ հեռահաղորդակցության օպերատորները կարող են օգտագործել ավելի թույլ ազդանշան բազային կայաններում, ինչը կնվազեցնի զգայուն սենսորներին խանգարող միջամտության մակարդակը:
Օդերեւութաբանների մյուս մտավախությունն այն է, որ FCC-ն մտադիր է շարունակել հաճախականություններ վաճառել հեռահաղորդակցության ընկերություններին: Սրանք տիրույթներ են, որոնք մոտ են ներկա պահին տեղումների հայտնաբերման (36-37 ԳՀց), ջերմաստիճանի մոնիտորինգի (50,2-50,4 ԳՀց) և ամպերի հայտնաբերման (80-90 ԳՀց) տիրույթներին: Ներկայումս ԱՄՆ իշխանությունները քննարկում են այս հարցը մի քանի այլ նահանգների հետ՝ փորձելով խնդրի լուծումը մշակել։ Սպասվում է, որ այս հարցով վճիռը կկայացվի այս տարվա հոկտեմբերին, երբ տեղի կունենա Ռադիոկապի համաշխարհային համաժողովը։
Հարկ է նշել, որ FCC-ի կողմից անցկացված աճուրդը, որն արդեն մոտ 2 միլիարդ դոլարի շահույթ է բերել 5G ցանցեր կառուցելու հաճախականությունների վաճառքից, դեռ շարունակվում է։
Source: 3dnews.ru