NVIDIA-ն հայտարարել է այս տարի իր երկրորդ GTC համաժողովն անցկացնելու մտադրության մասին, որը կանցկացվի առցանց։ Միջոցառումը նախատեսված է հոկտեմբերի 5-ից 9-ը։ Ըստ ավանդույթի՝ միջոցառմանը ելույթ կունենա NVIDIA-ի հիմնադիր և գործադիր տնօրեն Ջեն-Հսուն Հուանգը։
Առաջիկա միջոցառմանը ընկերությունը կքննարկի արհեստական ինտելեկտի, գրաֆիկայի, վիրտուալ իրականության և բազմաթիվ այլ ոլորտներում վերջին ձեռքբերումներն ու նորամուծությունները, այդ թվում՝ պետական ոլորտներին առնչվող:
Համաժողովը կանցկացվի առցանց՝ մի քանի առցանց ուղիղ հեռարձակումների շրջանակներում Միացյալ Նահանգների, Եվրոպայի, Իսրայելի, Հնդկաստանի, Թայվանի, Ճապոնիայի և Հարավային Կորեայի բնակիչների համար: Միջոցառման յուրաքանչյուր օրվա համար նախատեսված է չորսժամյա առցանց հեռարձակում։ Ընդհանուր առմամբ նախատեսվում է ավելի քան 500 տարբեր քննարկումներ, հարց ու պատասխաններ, ինչպես նաև 16 լիարժեք առցանց սեմինարներ։
Իհարկե, այս միջոցառման հիմնական առանցքը լինելու է հենց Ջենսեն Հուանգի ելույթը։ Մինչ ընկերությունը պատրաստվում է սեպտեմբերի 1-ին պաշտոնապես ներկայացնել Ampere-ի վրա հիմնված սպառողական գրաֆիկական քարտերի իր նոր շարքը, Հուանգը կարող է ունենալ սպառողների հետ կապված որոշ նորություններ՝ կիսվելու մեզ հետ հոկտեմբերյան իր ելույթում: Այդուհանդերձ, NVIDIA-ն հայտնի չէ բոլոր նոր ապրանքների միանգամից հայտարարությամբ: Փոխարենը, ընկերությունը գոհացնում է երկրպագուներին նոր վիդեո քարտերի փոքր չափաբաժիններով:
Source: 3dnews.ru
